पश्चिम महाराष्ट्र

वाहन तोडफोड फरार आरोपी आखिर अटक !

अक्षराज : प्रणिल कुसाळे

दि.१५, येरवडा (पुणे) : लक्ष्मीनगर येरवडा परिसरात रस्त्यालगत उभ्या असलेल्या १२-१४ वाहनांची धारदार कोयता शस्त्राने तोडफोड करून, ‘मी भाई आहे,’ असे म्हणत परिसरात दहशत निर्माण करणाऱ्या एकाला गुन्हे शाखा युनिट -४ पथकाने अटक केली आहे. पोलिसांनी दिलेल्या माहितीनुसार हा प्रकार लक्ष्मीनगर येरवडा येथील मातोश्री शाळा येथे हा प्रकार घडला होता. येरवडा डेक्कन कॉलेज परिसरात रात्रीच्या सुमारास अंगावरती काळ्या कलरची टी-शर्ट – व ग्रे कलर पॅन्ट डेक्कन कॉलेज रस्तालगत आरोपी डोलारे थांबला आहे. खात्रीशीर बातमी गुन्हे शाखा. युनिट ४ पोलीस अंमलदार राहुल परदेशी, देविदास वांढरे यांना मिळाली असताना.

डेक्कन कॉलेज या परिसरातून आरोपीला शिताफिने ताब्यात घेण्यात आले . सयाजी डोलारे वय (वय २०रा. सर्वे १२ पवार चाळ लक्ष्मी नगर येरवडा) असे अटक केलेल्या आरोपीचे नाव आहे. याप्रकरणी स्थानिक नागरिकांनी फिर्याद दिली होती. सदरची उल्लेखनीय कामगिरी गुन्हे शाखा युनिट ४ पथकाचे पोलीस निरीक्षक अजय वाघमारे यांच्या मार्गदर्शनानुसार करण्यात आली .

खंडाळा तालुक्यात मोठ्या संख्येने ६८ % मतदान

अक्षराज : सुहास महांगरे

दि.२०, शिरवळ : वाई विधानसभा मतदारसंघात वाई, खंडाळा, महाबळेश्वर या तीन तालुक्याचा समावेश असलेल्या खंडाळा मतदारसंघांमध्ये ६८ टक्के मतदान शांतते पार पडले या निवडणुकीत महायुतीचे राष्ट्रवादीचे विद्यमान आमदार मकरंद जाधव- पाटील आणि महाविकास आघाडीच्या राष्ट्रवादी काँग्रेस शरदचंद्र पवार पक्षाचे उमेदवार अरुणादेवी पिसाळ यांच्यात सरळ लढत झाली. शिवसेना ( शिंदे गट ) अपक्ष उमेदवार पुरुषोत्तम जाधव यांच्या बंडखोरी केल्यामुळे निवडणुक चुरशीची झाली.

वाई खंडाळा महाबळेश्वर विधानसभा मतदारसंघांमध्ये एकूण १५ उमेदवार आपले नशीब आजमावत आहेत. मतदानाला सकाळी सात वाजता सुरुवात झाल्यानंतर सर्व पक्षांचे कार्यकर्त्यांमध्ये उत्साह दिसत होता ठिकठिकाणी कार्यकर्ते मतदारांना मतदान करण्यासाठी घेऊन येत होते. निवडणूक शांततेत पार पाडावी व जास्तीत जास्त मतदान होण्यासाठी निवडणूक निर्णय अधिकारी प्रांताधिकारी राजेंद्र कचरे यांच्या मार्गदर्शनाखाली वाई तहसीलदार सोनाली मेटकरी, महाबळेश्वर तहसीलदार तेजस्विनी पाटील, खंडाळा तहसीलदार अजित पाटील यांनी सहकाऱ्यांसमवेत मतदान प्रक्रिया सुरळीत पार पाडण्यासाठी प्रयत्नशील होते. महायुतीचे उमेदवार आमदार मकरंद पाटील तसेच महाविकास आघाडीच्या उमेदवार अरुणादेवी पिसाळ,अपक्ष उमेदवार पुरुषोत्तम जाधव व इतर उमेदवार यांनी काही मतदार केंद्रावर भेट देऊन मतदानाची माहिती घेतली. तसेच कायदा व सुव्यवस्थेसाठी प्रत्येक मतदान केंद्रावर पोलीस बंदोबस्त चोख ठेवण्यात आला होता. यावेळी शिरवळ, पळशी , शिंदेवाडी, विंग, गुठाळे ,राजेवाडी, वडवाडी , हरतळी भाटघर तसेच पंचक्रोशी मध्ये तरुण वर्गाने आणि महिलांनी व ग्रामस्थांनी उत्स्फूर्त पणे मतदान केले. शनिवार दिनांक 23 रोजी वाई औद्योगिक वसाहतीतील वखार महामंडळाच्या गोदामा मध्ये मतमोजणी होणार आहे. कोणताही अनुचित प्रकार घडला नाही. मतदान शांततेत पार पडले