पाकमध्ये घुसून ऑपरेशन सिंदूर ! अन असा घेतला बदला..
अक्षराज : वृत्तसंकलन
दि .०७, नवी दिल्ली : पाकिस्तानने स्वप्नातही कल्पना केली नसेल की, भारत या पद्धतीने प्रत्युत्तर देईल. पहलगाम हल्ल्यानंतर पेटून उठलेल्या भारताने, युद्ध परिस्थितीला तोंड देण्यासाठी आज ७ मे रोजी देशभरात मॉक ड्रिल केले जाईल, अशी माहिती आधीच दिली होती. म्हणजेच, युद्धाच्या परिस्थितीत काय करायचे याचा सराव करण्यासाठी देशभरातील निवडक ठिकाणी युद्धाचे सायरन वाजवले जातील.
शाहबाज आणि मुनीर भारताच्या सायरनची वाट पाहत राहिले
पाकिस्तानचे पंतप्रधान शाहबाज शरीफ आणि लष्करप्रमुख असीम मुनीर फक्त धमक्या देत राहिले. नवी दिल्ली ते पाटणा पर्यंत भारतात कोणत्या प्रकारची मॉकड्रिल होईल, सायरन कसे वाजतील आणि शेवटी काय होईल याची दोघेही वाट पाहत राहिले. पण भारत अचानकपणे असे काही करेल याची त्यांनी कल्पनाही केली नव्हती.
भारताचे पाकिस्तानला त्याच्याच भाषेत उत्तर
खरं तर, पाकिस्तान सुरुवातीपासूनच प्रॉक्सी युद्धे लढण्यात पटाईत आहे. तो नेहमीच भारताला वाटाघाटीच्या टेबलावर आणत असे आणि पूंछ, उरी आणि कारगिलसारखे मागून हल्ले करत असे. पण यावेळी डाव उलटला. भारताने मॉक ड्रिलची घोषणा करून पाकिस्तानला गोंधळात टाकले.
भारताने पहलगाम हल्ल्याचा बदला घेतला
याचा परिणाम असा झाला की पाकिस्तानचे पंतप्रधान शाहबाज शरीफ आणि लष्करप्रमुख आसिफ मुनीर भारतात सायरन वाजण्याची वाट पाहत राहिले. पण खरी धोक्याची घंटा पाकिस्तानात तेव्हा वाजली जेव्हा भारतीय सैन्याने क्षेपणास्त्र आणि हवाई हल्ल्यांद्वारे पाकिस्तान आणि पीओकेमधील ९ दहशतवादी अड्डे उद्ध्वस्त केले.
आता पाकिस्तान काय करेल?
भारताच्या या कारवाईनंतर पाकिस्तानची झोप उडाली आहे. आता पाकिस्तान असे म्हणू शकत नाही की, भारताने त्याच्याविरुद्ध युद्ध पुकारले आहे. कारण भारतीय सैन्याने फक्त त्या ठिकाणांना लक्ष्य केले आहे जिथे दहशतवाद्यांनी त्यांचे अड्डे बनवले होते. भारतीय सैन्याने हे देखील दाखवून दिले की कोणतीही परकीय शक्ती त्यांना त्यांच्या निष्पाप नागरिकांच्या रक्ताचा बदला घेण्यापासून रोखू शकत नाही.
भारतीय सैन्यानं जमीनदोस्त केलेले दहशतवादी तळ नेमके कुठे?
१. बहावलपूर- आंतरराष्ट्रीय सीमेपासून जवळपास १०० किलोमीटर दूरवर आहे. इथेच जैश-ए-मोहम्मदचं मुख्यालय होतं. हे मुख्यालय भारतीय सैन्यानं जमीनदोस्त केलं होतं.
२. मुरीदके- हा दहशतवादी तळ आंतरराष्ट्रीय सीमेपासून ३० किमी दूर आहे. लष्कर-ए-तैयबाची शिबिरं इथे व्हायची. या तळाचा संबंध मुंबईवरील २६/११ हल्ल्याशी आहे.
३. गुलपूर- हा दहशतवादी तळ एलओसी (पुंछ-राजौरी) पासून ३५ किलोमीटर दूर आहे.
४. लष्कर कॅम्प सवाई- हा दहशतवादी तळ पीओके तंगधार सेक्टरच्या आतमध्ये ३० किलोमीटर दूर आहे.
५. बिलाल कॅम्प- जैश-ए-मोहम्मदचं लॉन्चपॅड, दहशतवाद्यांना सीमेपलीकडे पाठवण्यासाठी या तळाचा वापर व्हायचा.
६. कोटली- एलओसीपासून १५ किमी दूरवर लष्कराचं शिबिर, ५० पेक्षा अधिक दहशतवाद्यांची क्षमता असलेला तळ
७. बर्नाला कॅम्प- हा दहशतवादी तळ एलओसीपासून १० किमी दूर होता.
८. सरजाल कॅम्प- सांबा-कठुआच्या समोर आंतरराष्ट्रीय सीमेपासून ८ किमी दूर असलेलं जैशचं प्रशिक्षण केंद्र.
९. मेहमूना कॅम्प (सियालकोटजवळ)- या ठिकाणी हिज्बुल मुजाहिद्दीनचं प्रशिक्षण शिबिर होतं. हा तळ आंतरराष्ट्रीय सीमेपासून १५ किमी दूर होता.
भारताच्या एअर स्ट्राईकनंतर संरक्षण मंत्रालयाकडून माध्यमांना निवेदनातून कारवाईची माहिती देण्यात आली. ‘काही वेळापूर्वी भारतीय सशस्त्र दलांनी ऑपरेशन सिंदूरची सुरुवात केली. त्यात पाकिस्तान आणि पीओकेमधील दहशतवादी तळांना लक्ष्य करण्यात आलं, जिथून भारताविरोधात दहशतवादी हल्ल्यांची योजना तयार केली होती आणि त्याची अंमलबजावणी करण्यात आली होती. एकूण ९ तळांना लक्ष्य करण्यात आलं. आमच्याकडून पाकिस्तानच्या कोणत्याही लष्करी इमारतीला किंवा ठिकाणाला लक्ष्य करण्यात आलेलं नाही. भारतानं लक्ष्य निवडताना संयम बाळगला,’ अशी माहिती संरक्षण मंत्रालयानं दिली.
