विधानसभा निवडणुकीच्या निकालाकडे तमाम जनतेचे लक्ष !
अक्षराज : राजू गागरे
दि.२२, झरी (यवतमाळ) :
तालुक्यातील तमाम जनतेच्या नजरा २३ तारखेच्या वणी विधानसभा निवडणुकीच्या निकालाकडे लागलेल्या आहे.
वणी विधानसभेच्या निवडणुकीत बारा उमेदवार राजकीय भविष्य आजमावणार आहे. यात भाजपचे संजीव रेड्डी बोदकुरवार, शिवसेना (उबाठा) चे संजय देरकर, अपक्ष संजय खाडे, मनसेचे राजू उंबरकर,भारतीय कम्युनिस्ट पक्षाचे अनिल हेपट, वंचित बहुजन आघाडीचे राजेंद्र निमसटकर, बहुजन समाज पार्टीचे अरूण कुमार खैरे, अपक्ष हरीष पाते, अपक्ष केतन पार्खी, अपक्ष नारायणन गोडे, अपक्ष निखिल ढुरके, अपक्ष राहुल आत्राम, यांचा समावेश आहे.
नोव्हेंबर महिन्याच्या मागिल पाच तारखेनंतर विधानसभा निवडणुकीत उमेदवार म्हणून समावेश असणार्या उमेदवारांनी व त्यांच्या कार्यकर्त्यांनी निवडणुकीत प्रचार जोमात केला. बारा उमेदवार पैकी चार उमेदवारांनी व त्यांच्या कार्यकर्त्यांनी तर घर टू घर प्रचार केला. शेवटच्या क्षणापर्यंत अधिकाधिक मते स्वताच्या बाजूने पारड्यात कशी पाडता येतील प्रचारातून प्रयत्न झालेले पाहायला मिळाले. पक्षाचे तसेच अपक्ष उमेदवारांच्या कार्यकर्त्यांनी आप आपल्या परीने जमेल तसे प्रयत्न केल्याचे निदर्शनास आले. २० तारखेला सकाळी सात वाजता मतदान प्रक्रियेला सुरुवात झाली आणि सायंकाळी ६ वाजता मतदान प्रक्रिया पार पडली. विधानसभा क्षेत्रात ७६.८८% टक्के मतदान झाल्याचे समजते. मात्र तालुक्यात त्यानंतर विजयाची माळ कुणाच्या गळ्यात या अंदाजाला सुरुवात झाली. अनेकांकडून हा निवडून येईल तो निवडून येईल अशा अंदाज वर्तवीण्याला सुर्वात झाली. काहींनी महायुतीचा उमेदवार तर काहींनी महा विकास आघाडीचा उमेदवार निवडून येईल असा अंदाज वर्तविण्यात येत आहे. तालुक्यात काही मनसे समर्थक कार्यकर्त्यांनी मनसेचा उमेदवार निवडून येईल असा विश्वास व्यक्त केला. तर काहीनी संजय खाडे अपक्ष उमेदवार विजयी होण्याची शक्यता असल्याचे मत व्यक्त केले जात आहे. खरं तर विधानसभा क्षेत्रातील जनतेने मतदानाचा कौल नेमका कुणाच्या बाजूने किती दिला हे उद्याच्या २३ तारखेच्या निकालात स्पष्ट होणार आहे.
